Këshilltarët komunalë të VLEN-it në Butel kanë dorëzuar kërkesë zyrtare për vendosjen e mbishkrimeve në gjuhën shqipe në Mega Park, duke kërkuar respektimin e dygjuhësisë në hapësirat publike.
Përmes këshilltarit Usein Ramadani, ata theksojnë se përkrahin investimet në interes të qytetarëve, por nuk do të heshtin kur bëhet fjalë për të drejtat gjuhësore.
“Shqiptarët përbëjnë 37,12 për qind të popullsisë së Butelit”, rikujtojnë këshilltarët, duke kërkuar që shqipja të jetë e pranishme edhe në tabelat, rrugët dhe sheshet publike, në përputhje me ligjin.
“Investimet i përshëndesim, të drejtat i kërkojmë dhe ligjin e respektojmë!”, thuhet në reagimin e VLEN-it.
