Policia në Bujanoc ka zbuluar mbi një kilogram lëndë bimore, që dyshohet të jetë marihuanë, gjatë kontrollit të një shtëpie ku qëndronte një 24-vjeçar.
Sipas njoftimit të Ministrisë së Punëve të Brendshme të Serbisë, policia ka gjetur lëndën e dyshuar narkotike në tri kavanoza qelqi dhe në një paketë cigaresh.
Për këtë rast, ndaj M. F. (2002), nga Bujanoci, do të parashtrohet kallëzim penal në procedurë të rregullt pranë Prokurorisë Themelore Publike në Vranjë, për shkak të dyshimit se ka kryer veprën penale të mbajtjes së paautorizuar të lëndëve narkotike.
Kontrolli policor është kryer të enjten, më 5 nëntor, në shtëpinë ku qëndron i dyshuari./LUGINALAJMI/