Close Menu
ADAD
  • KRYESORE
  • SHQIPËRI
  • KOSOVË
  • MAQEDONI E VERIUT
  • LUGINA
  • BOTA
  • SPORT
  • SHOWBIZ
TË FUNDIT
Facebook X (Twitter) Instagram
Facebook X (Twitter) Instagram
ADAD
  • KRYESORE
  • SHQIPËRI
  • KOSOVË
  • MAQEDONI E VERIUT
  • LUGINA
  • BOTA
  • SPORT
  • SHOWBIZ
ADAD

Braçe kritika nga Kuvendi: Të pasurit rrezikojnë të përcaktojnë kryetarët e deputetët përmes fuqisë ekonomike

ADAD18 Nëntor, 2026 SHQIPËRI
Ndaje
Facebook Twitter LinkedIn Pinterest Email

Deputeti socialist Erion Braçe ka ngritur një sërë shqetësimesh gjatë diskutimeve në Kuvend për projektbuxhetin e vitit 2027, duke kërkuar largimin nga qeveria të ministrave që rrezikojnë realizimin e buxhetit të shtetit.

Kritikat e tij u përqendruan te mosrealizimi i shpenzimeve publike, mungesa e reformave në industri , përqendrimi i ekonomisë në pak sektorë, si dhe nevoja për ndryshime në sistemin e pensioneve dhe financimin e shëndetësisë.

Nga foltorja e Kuvendit, Braçe e cilësoi të papranueshme situatën e përsëritur ndër vite, kur të ardhurat buxhetore realizohen, ndërsa shpenzimet e planifikuara nuk kryhen plotësisht.

“Ajo që unë nuk pranoj është që qeveria të rrezikojë buxhetin. Më qartë, mosrealizimi i buxhetit, i të ardhurave dhe i shpenzimeve, në variantin që ka disa vite që po ndodh, realizimi i të ardhurave dhe mosrealizimi i shpenzimeve, është i papranueshëm”, deklaroi Braçe.

Deputeti socialist kujtoi se edhe një vit më parë kishte kërkuar largimin e ministrave që nuk realizojnë shpenzimet e parashikuara, duke këmbëngulur se paaftësia në administrimin e fondeve publike nuk mund të justifikohet.

“Vjet këtu thashë që ministrat që nuk realizojnë shpenzimet e parashikuara në buxhetin e shtetit duhet të ikin nga qeveria. Nuk ua ka borxh kurrkush paaftësinë dhe padijen për të përdorur paranë publike me efektivitet, abuzimin me të jo e jo”, u shpreh ai.

“Kush rrezikon realizimin e buxhetit të shtetit dhe sjell risk serioz për të, nuk ka pse të rrijë më në qeveri”, theksoi Braçe.

Një tjetër shqetësim i ngritur nga deputeti socialist lidhej me gjendjen e industrisë, për të cilën kërkoi një reformë të plotë, duke kritikuar modelin aktual të zhvillimit dhe abuzimet në këtë sektor.

“Nuk e pranoj dot që, me aq shumë burime natyrore, ne të vijojmë të biem në industri. Duhet reformë totale në sektorin e industrisë. Duhet të ndalim krizën e ardhur nga modeli dhe abuzimi skandaloz me të”, deklaroi ai.

Braçe u ndal edhe te industria e lehtë dhe veçanërisht te bizneset që prodhojnë me material porositësi dhe eksportojnë. Ai tha se qeveria u kërkon vazhdimisht këtyre sipërmarrjeve të ndryshojnë modelin e biznesit, por nuk ofron mbështetjen e nevojshme për të përballuar kostot e këtij transformimi.

Sipas tij, një masë konkrete lehtësuese do të ishte përjashtimi i këtyre bizneseve nga taksat doganore për lëndët e para.

Për bujqësinë, deputeti socialist pranoi se financimi është rritur krahasuar me vitet e mëparshme, por theksoi se mungon një strategji afatgjatë për përdorimin e tokës dhe mbështetjen e fermerëve.

Një nga paralajmërimet më të forta të Braçes lidhej me përqendrimin e ekonomisë në sektorët e turizmit dhe ndërtimit. Sipas tij, rritja ekonomike, të ardhurat dhe punësimi po përqendrohen gjithnjë e më shumë në këta sektorë, duke krijuar varësi nga një numër i kufizuar sipërmarrësish. Ai paralajmëroi se përqendrimi i fuqisë ekonomike mund të ndikojë edhe në përfaqësimin politik, përmes kontrollit që punëdhënësit e mëdhenj ushtrojnë mbi punonjësit.

“Ne e kemi aktualitetin partiak të tillë që drejtuesit e jo vota caktojnë mbajtësit e pushtetit: ministra, deputetë, kryetarë bashkish, këshilltarë, drejtorë e kështu me radhë. Do të jetë e rëndë që të pasurit, që po përqendrojnë të ardhurat e punëtorëve, të përcaktojnë kryetarët e tyre, deputetët e tyre, përmes fuqisë ekonomike dhe kontrollit mbi punëtorët e tyre”, tha Braçe.

Kritika pati edhe për financimin e pushtetit vendor. Deputeti socialist tha se varësia e bashkive nga transfertat e qeverisë dhe taksa e ndikimit në infrastrukturë cenon autonominë vendore dhe përbën një problem për demokracinë.

Pjesë nga fjalimi i deputetit Erion Braçe në Kuvend:

“Ajo që unë nuk pranoj është që qeveria të rrezikojë buxhetin. Më qartë, mosrealizimi i buxhetit, i të ardhurave dhe i shpenzimeve, në variantin që ka disa vite që po ndodh, realizimi i të ardhurave dhe mosrealizimi i shpenzimeve, është i papranueshëm.

Vjet këtu thashë që ministrat që nuk realizojnë shpenzimet e parashikuara në buxhetin e shtetit duhet të ikin nga qeveria.

Nuk ua ka borxh kurrkush paaftësinë dhe padijen për të përdorur paranë publike me efektivitet, abuzimin me të jo e jo.

Kështu që i mbetem të njëjtës kërkesë që kush rrezikon realizimin e buxhetit të shtetit dhe sjell risk serioz për të, nuk ka pse të rrijë më në qeveri…

Nuk e pranoj dot që, me aq shumë burime natyrore, ne të vijojmë të biem në industri. Duhet reformë totale në sektorin e industrisë. Duhet të ndalim krizën e ardhur nga modeli dhe abuzimi skandaloz me të.

Kam edhe një vërejtje për industrinë e lehtë, atë që prodhon këtu me material porositësi dhe eksporton.

E kam dëgjuar vazhdimisht qeverinë të thotë që ata duhet të ndryshojnë modelin e tyre të biznesit. Patjetër, por kjo kushton dhe shpenzimet i paguajnë gjithnjë ata. Ndërkohë, duhet t’u sugjerojnë si bëhet kjo dhe, patjetër, ata njerëz meritojnë qoftë edhe një favor të thjeshtë nga qeveria: të çlirohen nga taksa doganore për lëndët e para.

Bujqësia ka më shumë para se vitet e mëparshme. Nuk mjaftojnë, por na mungon një plan i qartë, i shtrirë në kohë, se çfarë do të bëjmë me dy asetet: me tokën dhe bujqit.

Përqendrimi i ekonomisë në dy sektorë, i rritjes në këta dy sektorë, i të ardhurave po aty, i krahut të punës po aty, aq sa operatorët e paktë të turizmit dhe ndërtimit po kthehen në punëdhënësit e vetëm, nuk është i mirë për demokracinë.

Ne e kemi aktualitetin partiak të tillë që drejtuesit e jo vota caktojnë mbajtësit e pushtetit: ministra, deputetë, kryetarë bashkish, këshilltarë, drejtorë e kështu me radhë.  Do të jetë e rëndë që të pasurit, që po përqendrojnë të ardhurat e punëtorëve, të përcaktojnë kryetarët e tyre, deputetët e tyre, përmes fuqisë ekonomike dhe kontrollit mbi punëtorët e tyre.

Varësia e pushtetit vendor, veçanërisht nga transfertat e qeverisë dhe, nga krahu tjetër, nga taksa e ndikimit në infrastrukturë, është një element tjetër negativ, jo vetëm për pavarësinë e pushtetit vendor, për autonominë e tij, por edhe për demokracinë.

Edhe për zhvillimin në territor, me fokus mjedisin.

Patjetër që kemi bërë mirë që kemi trefishuar, katërfishuar kompensimin e të ardhurave pensionale, por ama duhet t’i bëjmë të qëndrueshme, si pjesë e masës së pensionit, duke garantuar qëndrueshmërinë e skemës me një reformë të pensioneve.

Të paktën të kishim një buxhet që financon deri në fund të gjitha nevojat e shëndetësisë, përfshirë edhe ato të listës së barnave, duke e nxjerrë listën e barnave nga e varësia e një oligarku, pa e kthyer shtetin në një monopolist për sa i takon sigurimit të barnave.

 

Artikuj të ngjashëm

Protestuesit marshojnë nga Ministria e Arsimit drejt Kuvendit, policia ngre kordon sigurie

18 Nëntor, 2026

“I ka dhe batutat të moshuara”, Majko i përgjigjet Berishës për videot erotike: A mund të flasë dikush në partinë e tij si unë në PS?

18 Nëntor, 2026

“Po denoncimi i Majkos?”/ Berisha paralajmëron socialistët: Skenat erotike do dalin, më mirë largohuni

18 Nëntor, 2026
TË FUNDIT

Braçe kritika nga Kuvendi: Të pasurit rrezikojnë të përcaktojnë kryetarët e deputetët përmes fuqisë ekonomike

18 Nëntor, 2026

Pensionohet Shkurte Fejza | INA ONLINE

18 Nëntor, 2026

Protestuesit marshojnë nga Ministria e Arsimit drejt Kuvendit, policia ngre kordon sigurie

18 Nëntor, 2026

Ndryshoni numrin e telefonit? Rrezikoni gjobë 100 euro për automjetin!

18 Nëntor, 2026

“I ka dhe batutat të moshuara”, Majko i përgjigjet Berishës për videot erotike: A mund të flasë dikush në partinë e tij si unë në PS?

18 Nëntor, 2026

“Po denoncimi i Majkos?”/ Berisha paralajmëron socialistët: Skenat erotike do dalin, më mirë largohuni

18 Nëntor, 2026

Tronditëse në Shkup: Dy burra, 47 dhe 62 vjeç, dyshohen për abuzim seksual ndaj një fëmije nën 15 vjeç

18 Nëntor, 2026

Siguria në Ballkan dhe lufta në Ukrainë, ministri Nufi në Forumin Schuman në Bruksel…

18 Nëntor, 2026

E RËNDË: Specialja nuk e lejoi vëllain e Jakup Krasniqit ta takojë, ai shpërthen në lot

18 Nëntor, 2026

​A do të kemi përballje Kosovë – Shqipëri në kualifikueset e Euro 2028?

18 Nëntor, 2026
POLITIKË

Braçe kritika nga Kuvendi: Të pasurit rrezikojnë të përcaktojnë kryetarët e deputetët përmes fuqisë ekonomike

SHQIPËRI 18 Nëntor, 2026

Deputeti socialist Erion Braçe ka ngritur një sërë shqetësimesh gjatë diskutimeve në Kuvend për projektbuxhetin…

Protestuesit marshojnë nga Ministria e Arsimit drejt Kuvendit, policia ngre kordon sigurie

18 Nëntor, 2026

Ndryshoni numrin e telefonit? Rrezikoni gjobë 100 euro për automjetin!

18 Nëntor, 2026

“I ka dhe batutat të moshuara”, Majko i përgjigjet Berishës për videot erotike: A mund të flasë dikush në partinë e tij si unë në PS?

18 Nëntor, 2026

“Po denoncimi i Majkos?”/ Berisha paralajmëron socialistët: Skenat erotike do dalin, më mirë largohuni

18 Nëntor, 2026

Tronditëse në Shkup: Dy burra, 47 dhe 62 vjeç, dyshohen për abuzim seksual ndaj një fëmije nën 15 vjeç

18 Nëntor, 2026

Siguria në Ballkan dhe lufta në Ukrainë, ministri Nufi në Forumin Schuman në Bruksel…

18 Nëntor, 2026
Facebook X (Twitter) Instagram Pinterest
  • IMPRESUM
  • KONTAKT
© 2026 albaniandiaspora.eu

Type above and press Enter to search. Press Esc to cancel.