Pedagogu Aleksandër Biberaj theksoi se studentët kërkojnë dorëheqjen e kryeministrit Edi Rama, dhe jo të drejtorëve, siç ka urdhëruar ai.
Në një prononcim për media, ai theksoi se kryeministri mund të shkarkojë ditën e nesërme edhe të gjithë qeverinë, por shtoi se të rinjtë kërkojnë largimin pa kushte të tij si shkaktarin kryesor të gjendjes ku ndodhet vendi.
“Jam informuar që shumë drejtorë kanë dhënë dorëheqjen. Ky person tallet me shqiptarët sepse studentët dhe profesorët nuk kanë kërkuar dorëheqjen as të drejtorëve, shoferëve apo rojeve por të kryeministrit.
E para mendon se mund të kënaqë një kërkesë të studentëve. Kjo tregon se nuk kemi shtet ligjor, meritokraci, sepse nuk bën vaki në asnjë vend që me urdhër të kryeministrit të japin dorëheqjen të gjithë drejtorët, për të treguar se janë patronazhistë dhe ushtarë të Edi Ramës. Mund të ketë edhe persona që kanë statusin e nëpunësit civilë pra mbrohen me ligj. Nëse i shkarkon se janë të korruptuar, të paaftë, ku njeri i ka emëruar.
Nuk do të habitem nëse nesër do të shkarkojë edhe gjithë qeverinë por protesta kryesore e studentëve do të vazhdojë deri në largimin e Edi Ramës. Kërkesa është e panegociueshme, dorëheqje pa kushte e Ramës se është shkaktari i të gjithë këqijave që kanë ndodhur në këtë vend që nga vitit 2013.”, tha ai.