Suhejb Mehmedi, student i Universitetit “Nënë Tereza” në Shkup, në emisionin “Dialog te Lajmi”, të cilin e udhëheq Sefer Tahiri, ka folur, ndër të tjera, edhe për takimin me ministrin e Drejtësisë, Jeton Shasivari.
“Kemi pritur afër katër muaj për një takim me ministrin e Drejtësisë, Jeton Shasivarin. E morëm takimin dhe na ftoi. Edhe gjatë takimit me ministrin, ai tha: ‘Ju kemi ftuar ne’. I thashë: ‘Ministër, ne dimë të vijmë edhe vetë’.
E ka provuar edhe ish-ministri Filkov, por, nëse nuk do të ketë zgjidhje që provimi i jurisprudencës të mbahet në gjuhën shqipe, me shumë gjasë do të shkojmë edhe pa ftesë. Është e drejtë demokratike, është e drejtë kushtetuese. Kushtetuta na lejon të protestojmë dhe të dalim në rrugë për të kërkuar atë që na takon”, tha studenti Suhejb Mehmedi në emisionin “Dialog te Lajmi”.