Lëvizja Qytetare “Vatra”, e cila vepron në Kosovë, u ka bërë thirrje qytetarëve të Preshevës, Bujanocit dhe Medvegjës me të drejtë vote që të marrin pjesë në zgjedhjet parlamentare të 25 tetorit në Serbi.
Elbasan Shabani, kryetar i degës së Lëvizjes Qytetare “Vatra” në Gjilan, përmes një deklarate publike ka kërkuar mobilizimin e shqiptarëve të Luginës së Preshevës dhe mbështetjen e listës së përbashkët shqiptare.
“Edhe unë, në kuadër të Lëvizjes Vetëvendosje, u bëj thirrje të gjithë qytetarëve të Luginës së Preshevës që më 25 tetor të dalin në votime dhe të mbështesin listën e përbashkët shqiptare, listën unifikuese që po i bashkon shqiptarët në Luginën e Preshevës”, ka deklaruar Shabani.
Ai u ka bërë thirrje votuesve që të mbështesin listën me numër 17, duke e cilësuar bashkimin politik të shqiptarëve si një hap të rëndësishëm.
Lëvizja Qytetare “Vatra” është një organizatë që vepron në Kosovë dhe tubon kryesisht qytetarë me prejardhje nga Lugina e Preshevës, të cilët janë shpërngulur dhe jetojnë në Kosovë./LUGINALAJMI/