Shefit të ekzekutivit të klubit të City-t i është dhënë imunitet diplomatik gjashtë vite më parë dhe ky hap mund të ndërlikojë çdo procedurë ligjore në lidhje me klubin e Premier Ligës, i cili akuzohet se ka “fryrë” financat me më shumë se 900 milionë paund.
Khaldoon al-Mubarak, një zyrtar i lartë nga Abu Dabi që drejton City-n prej vitit 2008, u përfshi në listën zyrtare të diplomatëve, të cilët përfitojnë imunitet diplomatik, të miratuar nga Mbretëria e Bashkuar në vitin 2020.
Kjo i garanton automatikisht imunitet ndaj çdo hetimi penal dhe në shumicën e rasteve, e mbron personin nga procedurat civile në territorin britanik.
Të martën, Premier Liga njoftoi se një komision i pavarur e kishte shpallur klubin City-t fajtor për të gjitha akuzat lidhur me shkelje të rënda të rregullave financiare, pas një hetimi të nisur në vitin 2018.
