Kryeministri Rama në një takim me drejtuesit e bankave të nivelit të dytë u shpreh se me sulmin ndaj degëve të sistemit bankar synuan të krijojnë një kaos në lidhje me funksionimin e sistemit financiar në vend.
“Shifrat e ekonomisë janë shumë inkarujuese për ne. Jemi vendi me rritjen më të madhe me gjithë rajonin tonë. Se në këtu krahasohemi, kemi qenë bishti i kavallit. Sot jemi aty-aty me ata që ishin shumë përpara nesh. Ekonomia nuk rritet me dhunë e gurë, por duke marrë përgjegjësitë e veta.
Ata që u turrën me gurë e zjarr te bankat me skenar djallëzor për të nxitur panik, kur të gjithë e dinë që në sportelet e bankave nuk ka asgjë për të marrë, kujtuan se u bë deti kos. Shkulnin automatet për të marrë para. Do të kthehen bankomatet një orë e më parë. Duke investuar në tekonoligji ne do të nisim deanonimizimin e atyre që dhunojnë.
Do t’i dallojmë edhe kur janë me kapuç, sepse do t’i ndjekim këmba-këmbës. Ky është një informacion për të gjithë ata që janë me dhunën në mend. Të largohen një orë e më parë. Do të shkojë fatura në familje për çdo gjë që bën një i mitur, e bëri Italia e Franca dhe do ta bëjmë edhe ne. Do të vendosim në një regjistër të veçantë të dhunshmit. Do tu mbyllim shumë aksese në mjetet e transportit.
Do të bashkëpunojmë dhe e kemi nisur punën edhe me vendet e BE për tu ndaluar aksesin të udhëtojnë. Dhuna nuk ka vend në Shqipëri. Dialogu, shkëmbimi i ideve, ballafaqimi i argumenteve, rrugët e reja që na shërbyen në protestën e jashtëzakonshme në 2018-ën, që ishin studentë e pedagogë. Jo si këta që para se të jenë pedagogë, janë flamurtarë partie dhe thyejnë karriget te kryeministria”, u shpreh Rama.