Xhudisti Akil Gjakova ka shënuar fitore në duelin e parë të repesazhit në Grand Slamin e Abu Dhabit, në kategorinë deri në 73 kilogramë.
Gjakova u përball me francezin Joan-Benjamin Gaba, ndaj të cilit triumfoi, duke siguruar kështu kualifikimin në përballjen e fundit për medaljen e bronztë.
Pas kësaj fitoreje, xhudisti kosovar do të ketë mundësinë të luftojë për një vend në podiumin e këtij turneu prestigjioz ndërkombëtar.
Në duelin për medaljen e bronztë, Akil Gjakova do të përballet me rusin Karen Galstian.
Kujtojmë se Gjakova e nisi garën me pushim në raundin e parë, ndërsa në raundin e dytë mposhti izraelitin Ohad Moritz.
Në raundin e tretë, ai triumfoi ndaj Makhmadbek Makhmadbekov nga Emiratet e Bashkuara Arabe, përpara se të pësonte humbje në çerekfinale nga Hidayat Heydarov i Azerbajxhanit.
Tashmë, Akil Gjakova është vetëm një fitore larg medaljes së bronztë në Grand Slamin e Abu Dhabit.