Bashkëkryetari i VLEN-it, Bilall Kasami, ka paralajmëruar se javën e ardhshme do të takohet me kryeministrin Hristijan Mickoski për të diskutuar ndryshimet dhe plotësimin e pozitave qeveritare dhe drejtuese në institucione.
Sipas Kasamit, në fokus të takimit mes partnerëve të koalicionit do të jenë postet e zëvendësministrave, drejtorëve dhe zëvendësdrejtorëve, aty ku paraqitet nevoja për emërime të reja apo zëvendësime.
“Besoj se brenda javës së ardhshme do të zhvillojmë takimin e radhës me kryeministrin dhe kryetarin e VMRO-DPMNE-së, si partner koalicioni, ku do të diskutojmë për plotësimin dhe zëvendësimin e zëvendësministrave, por edhe për drejtorët dhe zëvendësdrejtorët në institucionet ku nevojiten ndryshime”, deklaroi Kasami.